٣٠ جنيه لبتاع الصحة

في احدي لقاءتي مع احد من اقاربي جاءه تليفون من عمله وهو عبارة عن سوبر ماركت وسمعته يقول "اديله ٣٠ جنيه ومشيه" وبعد نهاية مكالمته سألته عن الموضوع بحكم قربتنا 

فقال لي "ده بتاع الصحة وده الشهرية بتاعته" 

فقلت له يعني ايه شهرية لموظف حكومة بيفتش عليك ضحك 

وقلي "انت مش من البلد ده - ده المفروض يفتش لمنه مبفتش لانه مش فاضي شوف فيه كام محل وسوبرماركت في المنطقة يا دوب الوقت يقضي بس لم الغلة (الفلوس يعني)" 

فقلت له هو انت عندك مخالفات علشان تدفعله ويعديهالك 

قلي لا بس هو ممكن يملي مخالفات ذي مهو عايز ممكن ياخأخذ عينة من الجنبه مثلاً ويأخرها عنده شوية لغاية ما تفسد وبعد كده يوديها للمعمل وطبعاً هتكون مصيبة ليه فأنا وغيري بأتقي شره ويا عم هم ٣٠ جنيه فلوس"

وانتهي حواري معه وانا بأحسب ٣٠ جنيه في عدد ٥٠ محل في اليوم يعني حوالي ١٥٠٠ جنيه في ٣٠ شهر بيقي تقربياً ٤٥٠٠٠ جنيه يبقي لازم يعملوا كليه او معهد تدريب علشان يخرج مفتشين صحة ده احسن من مرتب وزير

وربنا يسترها معانا

حادث شارع صلاح سالم اول يوم رمضان

غريب جداً ما حدث اذا كنت مش مصري ولكن ان كنت مصري فهو شئ عادي جداً.

كنت في طريقي الي وسط القاهرة حوالي الساعة الرابعة في اول يوم في شهر رمضان الغريب ان الطريق كان فاضي جداً والدنيا هادية علي غير العادة في مثل هذا الوقت ولكن سرعان ما تغير ذلك حيث وقفنة لفترة في زحام في شارع صلاح سالم وبعد فترة ادركت ان هناك حادث مروري (عادي يعني) ولكن لم يكن سبب الزحام هو الحادث او السيارات المحطمة او حتي سيارات الشرطة بل الغريب(او الطبيعي مش عارف بالظبط) ان السيارات الي كان متعطلة ومتزمرة من الزحام عندما اقتربوا من الحادث وقفوا يتفرجوا شوية (يمكن يكونوا بيوذعوا حاجة مجانية مش عارف بالظبط) ونسيوا ان فيه ناس كتير واقفة متعطلة زي ما كانوا هما كمان والناس رايحة لزيارات افطار او يوم وكتير منهم كان مش بيكتفي بالفرجة بس بل كان كمان بيحاول يسأل هو فيه ايه وكأن الخبر بفلوس وانه لقي لقية علشان اما يرجع البيت يلاقي مادة للحديث بعد ما تفشي الخرس الزوجي بينا نحن المصريين

وربنا يرحمنا من سلوكيتنا